Ushqehu mirë
Marrja e vlerave ushqyese ndihmon shanset për shtatëzani. Sigurohu të marrësh mjaftueshëm proteina, hekur, zink, vitaminë C dhe vitaminë D përmes dietës, pasi mungesat në këta elementë janë lidhur me zgjatjen e ciklit menstrual (dhe rrjedhimisht ovulim më të rrallë) dhe shanse më të larta për abort. Pyesni doktorin nëse duhet të merrni suplemente me multivitamina. Hani ushqime proteinike, si: mish, peshk, produkte bulmeti, vezë dhe bishtajore (bizele, fasule, thjerrëza, etj).
Mendo para se të pish
Kërkimet kanë treguar lidhjen mes konsumit të alkoolit dhe ulje të aftësisë për të ngelur shtatëzanë (gjithashtu mund të dëmtojë fetusin në zhvillim). Alkooli alternon nivelet e estrogjenit, që mund të ndikojë në vendosjen e vezës. Megjithatë, një gotë alkool në darkë nuk do të ketë ndikim.
Duhet të konsiderosh dhe uljen e sasisë së kafeinës, pasi dhe kjo e fundit ka ndikim në nivelet hormonale femërore dhe mund të ndikojë në kohën që duhet për të ngelur shtatëzanë. Duhet ta kufizosh pirjen e kafes në 1-2 kafe në ditë.
Kontrollo peshën
Përpos problemeve të tjera shëndetësore, yndyra e tepërt mund të nxisë mbiprodhimin e hormoneve të caktuara që ndikojnë në ovulim. Cikli mund të mos jetë i rregullt, mund të ovuloni më rrallë dhe të ulni shanset për të ngelur shtatëzanë.
Nga ana tjetër, yndyra e pakët do të thotë që trupi nuk prodhon hormon aq sa duhet për të ovuluar çdo muaj apo për të mbajtur shtatëzaninë.
Stërvitja mund të ndihmojë me mbajtjen e një peshe të shëndetëshme.
Thuaji “Jo” cigares
Një arsye tjetër se pse duhet të lësh cigaren: toksinat e gjendura në cigare dëmtojnë vezët e femrave, ndërhyjnë në fertilizim dhe në proçesin e vendosjes së vezës dhe gjithashtu shkaktojnë plakjen e shpejtë të ovareve. Kjo do të thotë se ovaret e një duhanpirëse 35-vjeçare funksionojnë si ato të një gruaje 42-vjeçare dhe janë rrjedhimisht më pak fertile.
Njih ciklin
Një cikël normal menstrual zgjat nga 21 në 35 ditë (duke filluar numërimin nga dita e parë e periodave). Nëse cikli është dukshëm më i gjatë, le të themi 42 ditë, ju ovuloni më rrallë dhe ndoshta duhet të lini një takim me gjinekologun. Kur doni të ngeleni shtatëzanë, duhet të kryeni marrdhënie gjatë kohës së fertilitetit.
Ditët e fertilitetit, janë zakonisht dita e ovulimit dhe katër apo pesë ditë përpara ovulimit. Përgjithësisht dita e ovulimit është dita e 14 e ciklit.
Kërko qetësi
Stresi mund të ndikojë në fertilitet, pasi ka ndikim në prodhimin e hormoneve të trupit, duke ndikuar rrjedhimisht në ciklin menstrual. Por, duke mësuar se si të menaxhosh stresin përmes teknikave të qetësimit (si meditimi ose joga) mund të ndihmojë dhe me hormonet.
Mos harro shëndetin e atij
Të njëjtat gjëra që mund të dëmtojnë fertilitetin tënd, mund të ndikojnë dhe në shëndetin riprodhues të burrit. Cigaret, alkooli, ushqimet e këqia – të gjitha këto mund të ndikojnë në uljen e prodhimit të spermës. Marrja e lëndëve ushqyese çdo ditë – sidomos vitaminës E dhe C, si dhe mineralit selen – mund të ndihmojë në prodhimin e spermës së shëndetëshme. Marrja e multivitaminave mund të vijë në ndihmë.
