Miqtë e këngëtares së “The Cranberries”, Dolores O’Riordan, thanë se ajo ishte “shumë e dëshpëruar” para vdekjes së papritur. Këngëtarja 46-vjeçare u gjet e vdekur në dhomën e hotelit, më 15 janar të këtë viti.
Tashmë, rreth 2 javë pas humbjes së saj, zbulohet se këngtarja e hitit “Zombie” ndërroi jetë për shkak të një mbidoze ilaçesh kundër dhimbjeve.
Informacioni vjen nga “Santa Monica Observere”, sipas së cilës në vendin e ngjarjes, afër trupit, policia ka gjetur doza të ilaçit “Fentanyl”, të falsifikuar.
“Fentanyl” është një lëndë narkotike shumë e fuqishme kundër dhimbjeve.
Bazuar në atë që transmetojnë mediat, bëhet fjalë për të njëjtin produkt farmaceutik, që shkaktoi vdekjen e këngëtarit Prince dhe ndoshta edhe atë të Tom Petty.
Gjithsesi, para se të dalin me një deklaratë zyrtare, autoritetet po presin rezultatet përfundimtare, të cilat nuk e përjashtojnë edhe alternativën e një vetëvrasje nëpërmjet mbidozës.
