Ahhh, trikot! Kush nuk i do në sezonin e vjeshtës? Një prej veshjeve kryesore dhe të kombinueshme me gjithçka, vijnë në stinën e freskët në shumë forma. Qofshin të prera, të thurura, të qendisura apo të modeluara, trikot janë, pa dyshim, një nga artikujt më të mirë që duhet t’i nxirrni nga magazinimi, sepse do të zënë vendin kryesor në veshjet vjeshtë-dimër.
Por, si me çdo veshje bazike, edhe me to mund të bini lehtësisht në të njëjtat modele të vjetra dhe të mbështeteni në një pjesë të vogël kombinimesh. Sigurisht, kombinimi i trikove me xhinse është i pazëvendësueshëm, ashtu si edhe shoqërimi i një fustani vere me triko, por megjithatë, ka edhe tendenca të reja që vajzat e njohura të modës kanë provuar me trikot
Nga veshjet casual rreth qytetit deri te veshjet e mbrëmjeve, shembujt e mëposhtëm do t’ju bindin se trikot janë të gjithanshme këtë sezon.
Pavarësisht nëse do të vishni funde maxi apo pantallona të gjera, trikot meritojnë një vend unik në listën tuaj të javës.
1. Triko + pantallona të gjera
2. Triko + xhinse blu
3. Triko + Pantallona sateni
4. Triko + fund i gjatë
5. Triko + pantallona të çelura
