Këngëtarja shumë e dashur për publikun, Xhensila Myrtezaj gjatë gjithë kësaj periudhe i është përkushtuar ëngjëllit që erdhi në jetë vitin e kaluar, Ajkës.
Mirëpo pas një pauze të gjatë, Xhensila po rikthehet me një këngë të re që do vijë në bashkëpunim me Pirro Çakon.
Për të xhiruar klipin e ri, këngëtarja është larguar nga Shqipëria dhe ndodhet në Venecia të Italisë.
Nga atje Xhensila ka postuar një video ku tregon se po përgatitet për xhirimet e klipit dhe ka marrë me vete Sellmën dhe Kacin.
Tani pritet me padurim publikimi i këngës të cilën Xhensila e ka cilësuar si më të mirën e karrierës së saj.