Sipas stilistëve këtë pranverë fundet me gjatësi mesatare dhe të shkurtër do të jenë në konkurrencë me njëri-tjetrin. Vitin e kaluar fundet në gjatësi mesatare ishin trend, ndërsa këtë vit duket se ka një rikthim tek stili i vjetër i minifundeve. Por ju çfarë duhet të zgjidhni? Në fakt pavarësisht se këto dy lloje janë në konkurrencë, nuk do të ketë shumë rëndësi gjatësia, se sa vetë stili i fundit. Këtë pranverë tek fundet më ‘IN’ përfshihen ata të kamoshit me prerje asimetrike, me printe leopardi dhe lulesh, fundet në ngjyrë të verdhë dhe ata me kuadrate. Siç duket këtë pranverë do të kemi larmishmëri zgjedhjesh dhe materiali, ndaj femrat do ta kenë më të lehtë përzgjedhjen për veshjen e tyre në përditshmëri. /revistawho.com
