Të gjithë ju tashmë po ëndërroni për kohën e ngrohtë, por le të mos harrojmë se ajo sjell edhe shumë vapë e djersitje. Pra mund të themi se nuk është koha e duhur për t’i bërë flokët me baluke. Ne ju tregojmë disa nga modelet e flokëve sipas ‘Cosmopolitan’, që do t’ju ndihmojnë të kaloni këto muaj të nxehta vere që do të vijnë:
1-Flokët në formë ananasi
Sa më lart të jenë të kapura flokët, sa më të lirshme dhe kaçurrela aq më mirë.
2-Një kapele dhe dy bishtaleca
Ndajini flokët në dy pjesë dhe kapini ato përgjatë gjithë gjatësisë se tyre dukë marrë formë pufkash.
3-Të kapura me kapëse
Kaçurrelat dhe lagështia mund të jenë miqtë tuaj më të mirë nëse ato kombinohen me këto aksesorë. Kapni disa pjesë me kapëse për t’i mbajtur flokët larg fytyrës.
4-Flokë gjysmë të kapura
Përdorni një shami për të kapur një pjesë të flokëve duke i lënë paksa të ngatërruara.
5-Gërshetat
Gërshetat nuk dalin kurrë nga moda. Provoni këtë model duke krijuar shumë gërsheta të vogla në gjithë flokun tuaj.
6-Flokët të kapura lart dhe të ngatërruara
Një model shumë i thjeshtë dhe ju kursen shumë kohë.
7-Flokët me barreta
Barretat janë kapëset e mëdha, të cilat mund t’i gjeni në forma dhe ngjyra të ndryshme. Përdorini ato për të kapur baluket duke i ndarë në dy pjesë në dy anët e kokës. Ju këshillojmë të përdorni barretat metalike.
