Një stiliste, e cila hyri në histori në Javën e Modës në New York, është futur në burg për mashtrim.
Dizenjuesja indoneziane Anniesa Hasibuan dhe bashkëshorti i saj, Andika Surachman, u shpallën fajtorë për drejtimin e një skeme mashtrimi përmes agjencisë së tyre të udhëtimit, First Travel.
Prokurorët thonë se janë paguar mbi 60 milionë dollarë për të organizuar mini pelegrinazh në Mekë.
Por ata u akuzuan për shpërdorimin e parave dhe se udhëtimet nuk u zhvilluan kurrë.
Stilistja u dënua me 18 vite burg. Ajo është përshkruar si një udhëheqëse e modës në botën islame, për shkak të dizenjimeve të saj luksoze.
Veshjet e saj janë shfaqur në sfilatat e modës në Londër, Paris dhe Kanë.
Në vitin 2016, ajo tha për BBC se ishte frymëzuar për krijimtarinë e saj ” nga princeshat dhe mbretëreshat”.
