Pas një natë që kemi konsumuar alkool, të gjithë duam të shkojmë në shtëpi të pa lënduar dhe të mos na mungojë çelësi, telefoni dhe kuleta.
Por, një i ri që doli një natë në Liverpool të Anglisë, është shumë i brengosur sepse nuk arriti të kthehet i tëri, sepse i mungon një pjesë e gishtit të mesit, transmeton Telegrafi.
Dwayne Thompson kishte dalë për darkë me të dashurën dhe disa miq të saj, ndërsa pas një fotografie të përbashkët pas orës dhjetë, nuk kujton më asgjë.
Sipas 26-vjeçarit, e tëri që di është se është zgjuar në një kanal pranë parkingut të autobusëve, me dorë dhe rrobe tërësisht të përgjakura.
Me të shikuar në detaje, babai i dy fëmijëve ka vërejtur se i mungon maja e gishtit të mesëm, ndërsa nuk e ka idenë se çfarë ka ndodhur.
“I pyeta shoqëruesit, por nuk dinin asgjë. Më së shumti më pengojnë pyetjet e njerëzve, se çfarë ka ndodhur dhe unë nuk di si t’ju përgjigjem”, ka thënë Thompson.
Meqenëse nuk ka intervenuar menjëherë, tashmë filmimet nga kamerat e sigurisë janë shlyer, kurse nuk ka ndonjë dëshmitar t’ia tregojë ngjarjen.
I vendosur që të zbulojë rrethanat, ai ka angazhuar detektiv dhe po kërkon nga të gjithë që dinë diçka, t’i lajmërojnë për ta ndihmuar të zbulojë të vërtetën.
