Ditën e sotme, Klea Huta, ka ndarë me ndjekësit e saj, një eksperiencë mjaft të bukur, “hiking” në majën e malit të Vajushës.
Moderatorja simpatike ka treguar se në këtë eksperiencë ka vendosur të marrë me vete edhe djalin e saj, Krid, i cili është vetëm 3-vjeç.
Ndër postimet e shumta që ka bërë, Klea ka publikuar një video ku shihet në majën e malit, së bashku me Krid, në një pamje që të lë pa frymë.
Bashkangjitur këtij postimi, moderatorja simpatike ka treguar se gjendet 2100 m mbi nivelin e detit së bashku me Krid, dhe ka hapur një sondazh per publikun, duke i pyetur se cili ishte mendimi i tyre për këtë, duke shtuar disa opsione: “Do e bëja edhe unë“, “Çmenduri” dhe “Super eksperiencë“. Por duket se fansat e Kleas e kanë përqafuar këtë veprim të sajin, duke votuar më shumë opsionin, “super eksperincë”. Ndërsa vetëm pak persona e kanë konsideruar këtë veprim, “çmenduri”.
Klea ka ndarë me ndjekësit se sigurisht që kjo eksperincë nuk ishte e lehtë për Krid, pasi terreni fillohej të vështirësohej por fatmirësisht një djalë i ka ardhur në ndihmë duke i hipur në kalë.
Ajo ka treguar gjithashtu se kanë patur edhe të papritura të vogla por pa dëme të mëdha.
