Bashkëpunimi i Klajdi Harunit dhe Bes Kallakut me “Skifterja e zemrës”, rezultoi një sukses i vërtetë.
Kjo këngë tashmë numëron rreth 45 milionë shikime në ‘Youtube’ dhe me siguri të gjithë e dinë përmendësh të paktën refrenin e saj. Ndërthurja e humorit të Bes Kallkaut me zërin e veçantë të Klajdit Harunit dhe tekstin e bazuar tek ndjenjat e pastra nuk kishte se si kjo këngë të mos godiste menjëherë tek publiku.
Por duket se “Skifterja e zemrës” ka depërtuar thellë, madje ka kaluar edhe kufijtë shqiptarë. Klajdi Haruni ka publikuar në ‘Instagram’ një version të ri të këngës në gjuhën greke. Dy artistë nga shteti fqinj e kanë transformuar këngën në gjuhën e tyre dhe kanë bërë një videoklip. Për më tepër në fillim të saj ata falenderojnë Besin dhe Klajdin në gjuhën shqipe. “’Skifterja e zemrës’ greqisht për qejf. U bëmë dhe ne ndërkombëtarë loku”, – ka shkruar Klajdi në postimin e tij.
