Një modele mjaft e njohur është gjetur e vdekur në një jaht. Ngjarja ka ndodhur teksa jahti super luksoz ishte ankoruar në ishullin e Kefalonisë në Greqi.
Bëhet fjalë për supermodelen nga Australia Sinead McNamara, e cila punonte si anëtare e ekuipazhit në jaht. Jahti është në pronësi të biznesmenit miliarder meksikan Alberto Bailleres.
Z. Bailleres thuhet se u largua nga jahti i ankoruar.Trupi i modeles u gjet në anën e pasme të jahtit dhe shkaqet e vdekjes nuk dihen ende. Policia ka nisur hetimet dhe pritet përgjigja e autopsisë.
“Fatkeqësisht kam marrë lajmin më të keq të jetës sime, Sinead ka vdekur,”- deklaroi vëllai i modeles.
