Luiz Ejlli dhe Olta Gixhari i kanë prishur raportet e tyre që u duk se u përmirësuan pas “Big Brother VIP”. “Panorama Plus” raportoi dje se marrëdhënia e tensionuar mes tyre ka vijuar edhe në sheshxhirim dhe se ata janë shfaqur shpeshherë nervozë ndaj njëri-tjetrit. Sipas medias, ishte Olta ajo e cila ka debatuar me Luizin edhe për nivelin e tij në aktrim, duke pasur disa kërkesa më shumë ndaj tij, por edhe ndaj stafit.
E për këto raportime ka folur edhe Luizi. Në një video live që realizoi në Instagram, ai u pyet nëse është e vërtetë që është zënë me Oltën.
“Pse kur kam qenë ndonjëherë i rregulluar me Oltën unë, që u dashka të zihem tani?”, tha Luizi.
