Kafshë shtëpiake nuk mund të mbajnë të gjithë, por diçka e dimë me siguri dhe ajo është se ato janë shumë më tepër sesa vetëm kafshë që jetojnë në shtëpitë tona – me kalimin e kohës bëhen pjesë e familjes!
Fatkeqësisht, në një moment të caktuar duhet të ndahemi prej tyre, e ky moment nuk është aq i lehtë sa ne mund ta imagjinojmë!
E sa më të lidhur të jemi me ta aq më e madhe është dhimbja. Këtë hidhërim e ka kaluar edhe Bora ditën e sotme, e cila ka humbur macen e saj.
Isha fëmija më i lumtur në botë kur morëm mace në shtëpinë tonë. Dhe sot pas 18 vitesh që jetoi me ne, Kiti u largua përgjithmonë! Ishte pjesë e familjes si pjesëtari më i vockël, më i përkëdhelur, më mistrec, por një dashuri e vërtetë. E deshëm shumë, fëmijëria ime ishte edhe më e bukur me të.
Dashuria për kafshët është e pakushtëzuar dhe kush ka të tilla vetë, do ta kuptojë më mirë dhimbjen e thellë të Borës.
