Këtë të martë në emisionin “Rudina” në Televizionin Klan ishte i ftuar Neshat Kapinova, i cili së fundmi ka botuar librin e tij ‘Mjekësia moderne’.
Ai paralajmëroi për rrezikun që mund t’i vijë njeriut nga aktivitete të jetës së përditshme, të cilat sipas tij, në pamje të parë duken të parëndësishme.
I pyetur nga Rudina të shpjegonte më shumë këtë rrezik, Neshati pohoi :
“Nga sforca. Ti për shembull kur teshtin ose kur ashtu, është mirë të mos e bllokosh asnjëherë. Pse? Sepse pëson gjëra të brendshme që mund të çajnë venat dhe arteriet dhe mund të kalojnë edhe në aortë.”
Autori i librit këshilloi që të përdoret shami dore dhe jo facoleta, sepse shkaktojnë alergji.
Në këtë listë Neshati përfshin edhe kafenë, sheqeri i së cilës, sipas tij, shkakton skuqje, fryrje, tension të lartë dhe diabet.
Ndërsa për seksin ai nuk pranoi të shpjegonte më shumë, sepse libri i tij fliste për të.