Si një nga zërat më të dashur në muzikën shqiptare, me plot fansa që e duan dhe adhurojnë muzikën e saj, Samanta Karavella është padyshim një nga artistet më të dashura në vend. Por, nëse për këngët, projektet, bashkëpunimet ajo flet pa doreza në çdo dalje publike, nuk bën të njëjtën gjë kur vjen puna tek çështjet e zemrës.
E ftuar në emisionin “Pop Culture” në Top Channel, ajo i është përgjigjur pyetjeve shpesh shpotitëse të moderatorit Kelvi Kadalli. E mes shumë të tilla, një nga përgjigjet e këngëtares që ka ardhur si befasi ka qenë ajo në lidhje me jetën sentimentale. Më tej ajo tha:”Unë i fsheh të dashurit. Privatësinë e ruaj me fanatizëm. Duke qenë person publik është e pamundur ta shmangësh, por jeta ime është jeta ime dhe nuk dua ta ndaj me të tjerët”.
Atëherë pas kësaj deklarate na lind krejt spontanisht pyetja: cili është vallë i dashuri i momentit që po na mban të fshehur këngëtarja e njohur?! Ku i dihet…
