Ndonëse u mor si një fakt i mirëqenë, lidhja e këngëtares Era Istrefi me ish-menaxherin e saj Faton Shoshi vijon të jetë një mister i madh për vetë faktin se nuk u konfirmua kurrë prej atyre të dyve.
Megjithatë, burime pranë çiftit herë pas here kanë bërë të ditur detaje në lidhje me marrëdhënien e tyre, siç ishte dhe ndarja e pak kohëve më parë si dhe një ribashkim i mundshëm.
Por, pavarësisht marrëdhënies së mirë, duket se lidhja e Erës dhe Fatonit ka përfunduar vërtet dhe për këtë ka ngritur dyshime një postim i fundit i menaxherit të njohur.
Në një postim në Instagram, ai ka fotografuar një pjesë të veshjes së tij ku shkruhet me të mëdha: “A mendon akoma për mua?”
Një gjë e tillë, duket si një mesazh i qartë për këngëtaren Istrefi, e cila mometalisht duket se është tërësisht e fokusuar në muzikë, pas publikimit të këngës “Origami”.