Balerina e njohur shqiptare, Isida Mollaymeri, ka hyrë në një kapitull të ri të jetës së saj –atë të mëmësisë. Lajmin e bukur e ka ndarë vetë artistja në rrjetet sociale, ku njoftoi se është bërë nënë për herë të parë.
Isida ka sjellë në jetë një vajzë, të cilën e ka quajtur Ajlin – një emër i veçantë që ka ngjallur kuriozitet dhe entuziazëm tek ndjekësit e saj.
Megjithëse është treguar gjithmonë diskrete me jetën private, momenti i ardhjes në jetë të së bijës është ndarë me shumë emocion nga balerina. Ajo nuk ka publikuar ende një foto të vogëlushes, duke preferuar ta ruajë këtë moment të shenjtë për vete dhe familjen e saj.
Urimet dhe mesazhet e dashurisë kanë qenë të shumta për nënën e re, e cila prej vitesh është një nga figurat më të dashura në skenën artistike shqiptare.
