Në shumë media online, ditën e sotme ka qarkulluar lajmi se është sulmuar menaxheri i njohur Faton Shoshi dhe pas këtij sulmi ka përfunduar në spital në qytetin e Prishtinës. Gjithashtu u raportua se policia arrestoi shtetasin me iniciale K.B, 26-vjeç, ndërsa Fatoni u dërgua në spital për të mjekuar lëndimet e marra në trup.
Në një prononcim për ‘Lajmi.net’, menaxheri i vipave e ka mohuar të jetë lënduar dhe ka rrëfyer se në fakt djemtë me maska nuk kishin mundësi ti bënin asgjë.
“Asgjë fare, ka qenë diçka e vogël, as nuk kanë mundur të afrohen, nuk ka ndodhur asgjë. Nuk ka qenë diçka interesante të them të drejtën. Kanë tentuar po s’kanë mundur se i kam pasur me vete ata djemtë. I kanë arrestuar. Ishin me maska, nuk i njihja. Isha me disa shokë dhe shokët ndërhynë. Asgjë s’më kanë bërë.”- ka thënë Fatoni.
