Ardi Daullxhiu prej kohësh është bërë një prej personave më të njohur e më të përfolur nga publiku shqiptar. I mjeri nga Durrësi del herë pas here në ekran, ku i bën thirrje popullit shqiptar ta ndihmojë e ta nxjerrë atë nga varfëria.
Mbrëmjen e kaluar ai ishte i ftuar në emisionin Zonë e Lirë, ku në një bashkëbisedim me gazetarin Arian Çani, zbuloi se gruaja me të cilën ai kishte një vajzë të vogël, e ka braktisur dhe është larguar nga shtëpia.
Fillimisht Ardi e ka mohuar ikjen e saj, por në një lidhje telefonike gjatë emisionit me gruan e tij, ajo zbuloi se prej dy muajsh ata ishin ndarë. Pas mbylljes së telefonatës, Ardi ka deklaruar se mes tyre kishte plasur një sherr me grushta. Më pas Luljeta është larguar dhe vajzën e tyre e ka lënë me Ardin.
“I thashë po pate mundësi kape pak gocën. Ajo e kapi gocën duke i tërheq dorën. Avash i thash se do ja ndrydhësh dorën. Biles i ka vënë dhe dhunë vajzës. I gjuajta një kshu mbrapsh. Ajo më kapi më gjuajti mua. I thash t’më gjuash ti mua në grusht? S’ke shanse. Aty me thënë të drejtën ja rrasa 2-3 herë, derisa e lava në gjak. Jo shumë, po pak nga hundët.”- ka rrëfyer ai.
