Kim Kardashian guxon gjithmonë me veshjen e saj, por kësaj radhe duket se i ka “tronditur” të gjithë me stilin e pazakontë. Të shtunën, ylli televiziv mbërriti në Nju Jork për në Met Gala.
Femra më seksi u fotografua me një veshje të guximshme, e cila përfshinte një pallto lëkurë të zezë, dorashka, pantallona dhe çizme stileto, shkruan “People”. Fytyra e saj ishte e mbuluar plotësisht nga një maskë që ishte e hapur vetëm në pjesën e pasme për bishtin e flokëve.
Në postimet e saj në “Instagram”, Kim etiketoi stilisten e “Balenciaga-s”, Demna Gvasalia. Ndërsa fotot i shoqëroi me një emoji thike.
Kjo nuk është hera e parë që Kardashian shfaqet e veshur në këtë mënyrë. Muajin e kaluar, ylli televiziv u shfaq një veshje të ngjashme për eventin e albumit “Donda” të ish-partnerit, Kanye West, në stadiumin “Mercedes-Benz”, në Atlanta.