Shumë personazhe të njohur të ekranit kanë shprehur publikisht mbështetjen për Donald Veshajn, i cili prej katër muajsh ndodhet në shtëpinë e “Big Brother VIP”. Mes tyre është edhe këngëtari i njohur, Elgit Doda, i cili është mik me aktorin e humorit.
Doda herë pas here ka treguar përmes postimeve në rrjetet sociale se e mbështet fort Donaldin, madje edhe po voton që ai të fitojë çmimin e madh.
Gjatë një spektakli të BB VIP, Elgiti hyri në shtëpinë më të famshme në Shqipëri për të kënduar për herë të parë këngën e pilotit, dedikuar Monika Lubonjës. Por ai nuk la pa takuar edhe mikun e tij, të cilit u duk sikur i tha diçka në vesh.
I ftuar në “Wake Up”, Doda tha se nuk i ka thënë në asnjë moment “ke dalë keq”, thjesht “I love you I love you, jepi forca”.
“Për fatin e mirë, jam në panel sot. E meriton fitoren. Realisht ai djalë aty ka shfaqur të gjithë dimensionet e veta, është shtrydhur deri në pikën e fundit. Sa lajme janë bërë për atë, të mbledhësh të gjithë bashkë ata, nuk janë bërë.
Unë hyra për Donaldin, por i këndova dhe Monikës. Unë e kam thënë që produksioni kur unë kam folur dhe është aluduar se i kam thënë diçka, është thënë vetëm “I love you I love you, jepi forca” dhe si ka dalë aty “ke dalë keq”, s’ka lidhje. Unë i pashë të gjithë, është tjetër kur i shikon dhe tjetër kur i takon. Është presion i fortë psikologjik”, tha këngëtari i njohur.
