Moderatorja Floriana Garo ka qenë në qendër të vëmendjes së mediave gjatë kësaj periudhe në pritje të ëmbël të cilës po i vjen fundi dhe shumë shpejt ajo do të bëhet me vajzë.
Floriana është shfaqur gjithnjë e kuruar si në ekran edhe jashtë tij prandaj nuk ka qenë e mundur që publiku ta shohë ndonjëherë pa makeup.
Mirëpo ditën e sotme moderatorja ka publikuar një foto teksa ndodhet në një qendër estetike.
Pa pikë makeup në fytyrë dhe teksa po trajton lëkurën, Floriana nuk arrin të njihet teksa shtatzënia i ka dhënë një nur të mrekullueshëm.
“Duke llastuar veten”, shkruan Floriana krah fotos ku ka marrë komplimenta të shumtë nga ndjekësit të cilët i shkruajnë se duket si bebushe dhe si një 20-vjeçare.
Kujtojmë që Floriana prej disa kohësh ka nisur jetën e re në Zvicër me bashkëshortin, Enis Daci.
