Të gjithë kemi ato hilet tona të bukurisë që sado të çuditshme të tingëllojnë për të tjerët, ne nuk heqim dorë sepse funksionojnë. Personazhet e famshme nuk bëjnë përjashtim, prandaj hidhini një sy hileve të çuditshme, praktike dhe të zakonshme që përdorin disa prej grave më të famshme.
Rihanna
Rihanna për shembull stilon flokët dhe vetullat me sapun të zakonshëm me qëllim që t’i qëndrojnë të fiksuara sa më gjatë. Ylli i muzikës thotë se këtë hile e ka mësuar nga artisti i saj i make up-it. Sapuni për të funksionon më shumë se çdo gjë tjetër kur vjen puna për të fiksuar flokët/vetullat pas lëkurës.
Kim Kardashian
Gjatë festës së Vanity Fair pas Oscars, Kim dukej shumë, po shumë elegante. ajo u pyet se çfarë kishte bërë që dukej ndryshe dhe tha se kishte përdorur vetëm bronzer tek pjesa e penelit në zonën e qepallave të syrit.
Jennifer Aniston
Artistja e make up-it të Aniston përdor një hile shumë të thjeshtë që e bën buzëkuqin e Aniston të zgjasë për orë e orë të tëra. Pasi ka vendosur buzëkuqin e zgjedhur, ajo aplikon pak letër orizi në krye dhe spërkat pudër të thjeshtë po në atë zonë. Kjo ndihmon që buzëkuqi të qëndrojë gjatë.
Susan Sarandon
Susan është plot 74 vjeç dhe le ta pranojmë që duket shumë, shumë më e re se aq! Sekreti sipas grimierit të saj është: aplikimi i bronzerit duke nisur nga balli, tek mollëzat dhe në pjesën e poshtme të mjekrës.
Jennifer Lopez
Lopez përpiqet gjithmonë të përdorë lapsa buzësh në ngjyra shumë natyrale për t’i bërë të duken më të plota.
Emma Stone
Emma Stone ka një fiksim të çuditshëm me hidratimin e lëkurës dhe buzëve. Nuk ndan kolagjenin dhe vitaminën E.
Elizabeth Taylor
Mes shumë sekreteve që kishte, çfarë dallonte nga të tjerët ishte dushi pasi kishte bërë make up. Lagështia e krijuar sipas saj e bënte make up-in më natyral dhe qukat dalloheshin më lehtësisht prej fondatinës.
