“KËTË DITË ISHIM MËSUAR TA KALONIM BASHKË”/ Eranda Libohova feston ditën e Bajramit me kujtimin e mamasë

Vetëm pak kohë më parë, Eranda Libohova foli publikisht për humbjen e mamasë së saj. Këngëtarja tregoi për momentet e bukura që kanë kaluar pranë njëra-tjetrës gjithë këto vite dhe se si ka ndryshuar jeta e saj pas ikjes së nënës. Në ditën e shënuar të Bajramit, Libohova ka uruar ndjekësit e saj nëpër një fotoje në ‘Instagram’ ku shfaqet pranë nënës dhe i dedikon asaj fjalët më të ndjera. “Kjo ishte dhe mbetet dashuria ime më e madhe. Gëzuar bajramin! T’ju gjejë rrethuar me dashurinë e të afërmve tuaj. Ka disa dhimbje që nuk kalojnë kurrë.. Në ditë të tilla si kjo ishim mësuar të ishim bashkë. Më mungon më shumë se kurrë këtë herë. Kujtoj që këndonim ndonjëherë, bënim humor bashkë, e qeshura jote dhe sot më jep energji pozitive, jo vetëm për të përballuar jetën, por për t’i bërë gjërat me durim, përkushtim, e për t’u dhënë dashuri njerëzve. Gëzuar”, ka shkruar Eranda. Ky urim për nënën ka prekur ndjekësit e saj, të cilët nuk i kanë kursyer komentet pozitive dhe mbështetëse. Kujtojmë se së fundmi Eranda ka publikuar disa këngë të reja, të cilat janë pritur shumë mirë nga publiku.