Përplasjet dhe konfliktet me serbët nuk kanë munguar asnjëherë, jo vetëm në aspektin e ngjarjeve historike por edhe përsa i përket kompeticioneve artistike.
Një ngjarje e papritur vjen në retrospektivë nga Atalanta Kërçyku, Miss Elbasani dhe Miss Ballkani, e cila në një intervistë në “Pasdite në Top Channel” iu kthye fotos së saj të famshme të vitit 2015 me Miss Serbinë.
Bukuroshja tregon se i qëlloi që të ndante dhomën me vajzën serbe: “Ishte vajzë shumë e mirë dhe inteligjente, nuk e kishte aspak problem që unë isha shqiptare. Edhe unë nuk e kisha problem që ishte serbe. Ende ruaj kontakte me të. Një nga sfilatat ishte me veshjet kombëtare. Ishim pranë njëra-tjetrës dhe e bëmë foton rastësisht. Pati shumë reagime, të mira dhe të këqija, përfshi edhe kërcënime. Por nuk i kam marrë kurrë seriozisht kërcënimet”, wshtw shprehur Atalanta.
