Elgit Doda është një nga këngëtarët më të njohur shqiptar, emrin e të cilit e kemi parë në shumë bashkëpunime apo kompozime muzike. Është një nga ato emrat që të ngulitet në mendje, për shkak të veçantisë së tij. Pas shumë pyetjeve, Elgiti ka zbuluar për ndjekësit në ‘Instagram’ prejardhjen e emrit të tij dhe nuk është aspak ajo që prisnim. “Nga e ka prejardhjen emri jot Elgit, se është shumë i veçantë”, i ka shkruar një nga ndjekësit. “Emri im është markë kitareje”, ia ka kthyer Elgiti, duke zbuluar kështu se edhe emri i tij lidhet fort me pasionin për muzikën. Kujtojmë se para disa javësh, Elgiti publikoi një këngë të re e cila rezultoi e suksesshme, megjithatë këngëtari ka premtuar shumë projekte të reja, ndër to dhe një bashkëpunim me Klea Hutën.
