A thua se mbërriti apokalipsi, prej panikut, të gjithë iu drejtuan supermarketeve dhe zbrasën raftet.Produktet më të kërkuar ishin uji, xheli antibakterial dhe letra higjenike (por jo sapuni). Larg qoftë dita kur të mungojë. Natyrisht, në internet u publikuan disa konflikte të nxehura mes blerësish që në qendër kishin pikërisht këtë thesar.
Bebe Rexha ama, dhe gjithë shqiptarët me dy fije mend, s’e kuptojnë pse bëhet gjithë kjo luftë për letër higjenike. Po ta keni vënë re, paniku nuk na ka shastisur totalisht. Asnjë raft marketi nuk është bosh dhe për fat, letra higjenike nuk ka mungesa në treg. Asnjë mama nuk është kthyer në shtëpi e revoltuar prej sherrit me një zuskë që donte të merrte pakon e fundit.
Në një Instagram Live, Bebe pyeti me të drejtë: “Nuk laheni dot me ujë? Seriozisht?”
Pikërisht Bebe, pikërisht.
Më pas, ajo shpjegon se në Shqipëri përdorin sapllake për të pastruar nënvete. Ose sapllake;
Ose ujitëse lulesh;
Një nga këto të dyja. Por për fat të mirë, s’kemi pse e vuajmë fatin e amerikanëve të gjorë. Ne kemi… bide!
