Mbrëmjen e sotme pritet të rikthehet në ekranin e ‘Top Channel’, spektakli ‘Shiko Kush Luan’ nën autorësinë dhe moderimin e Luana Vjollcës. Moderatorja ka ndarë pak më parë disa foto ku shfaqet me fustanin në ngjyrë të kuq lëkurë, duke zbuluar ‘look-un’ e mbrëmjes së sotme.
Luana ka zgjedhur një ‘makeup’ në ngjyrat e tokës dhe flokët e lëshuar onde deri në mesin e kurrizit të saj. “Çfarë ka sonte?”, ka shkruar Vjollca krah postimit ku nuk kanë munguar një sërë komentesh nga ndjekësit dhe miqtë e moderatores.
Kujtojmë se të ftuarit e puntatës së parë janë zbuluar prej disa ditësh, ndërsa Luana ka premtuar se ‘Shiko Kush Luan’ do të sjellë një spektakël të vërtetë mes shumë lojërash këtë sezon të ri televiziv.
