Semi Jaupaj ka qenë një nga këngëtaret që është ngjitur në skenë mbrëmjen e djeshme në sheshin ‘Skënderbej’, ku u mbajt koncerti i Rita Orës.
Ish-konkurrentja e “Big Brother VIP” shoqërohej nga Bora Zemani teksa ka performuar disa nga këngët e saj më të dëgjuara. E duket se ka qenë një mbrëmje emocionale për të.
Semi nuk i ka mbajtur dot lotët gjatë performancës së saj dhe ndërsa po këndonte ‘Jetike’ ajo ka shpërthyer në lot. Si duket fakti që publiku ka kënduar me të dhe e ka pritur mirë e kanë prekur artisten.
VIDEO
Për këtë paraqitje Semi kishte zgjedhur të vishej totalisht me të bardha. Ajo u shfaq me një kostum që përbëhej nga pantallona të bardha, crop-top dhe këmishë. Po ashtu, prej javësh, Semi ka hequr dorë nga flokët e gjata duke zgjedhur një look më elegant, me flokët e shkurtëra mbi shpatulla.
Pas daljes nga “Big Brother VIP”, Semi është përfolur për një romancë me këngëtarin Ron Zaiti. Ata sollën një bashkëpunim me titullin “All Your Lovin”, që ndezi dyshime se mes dyshes mund të ketë lindur një romancë. Teksa dy protagonistët zgjodhën të heshtin, “Prive” konfirmoi që marrëdhënia e ndërtuar “blic” ka përfunduar me kaq dhe dyshja kanë zgjedhur të mbeten vetëm shokë.
