Reperi i njohur shqiptar, Arkimed Lushaj – Stresi vazhdon të jetë një nga emrat e diskutuar në media.
Përveç këngëve, shpesh ai ka qenë i përfolur edhe për ndjekjet që i janë bërë nga policia, shumicës prej të cilave u ka bërë shmangie.
Reperi, i cili është shumë aktiv në rrjetet sociale, ka treguar vazhdimisht për fansat se bën një jetë më ndryshe nga të tjerët.
Së fundmi, ai publikoi në InstaStory një imazh, përmes së cilit ka treguar se fle me revole poshtë jastëkut.
“Natën fle më mirë kur e kam hekurin pranë”, ka shkruar ai në mbishkrimin e fotografisë.
I njëjti ka qenë shumë aktiv këtë verë me prurje të reja muzikore, ndërsa ka paralajmëruar se së shpejti do të sjellë edhe projektin e tij më të ri.
Ai vazhdon të jetë një emër mjaft i kërkuar dhe i pëlqyer nga të rinjtë edhe nëpër koncerte dhe mbrëmje të ndryshme muzikore.
