Dyshja e famshme më në fund do të lidhin me martesë lidhjen e tyre disa vjeçare. Pas raportimeve se moderatorja e njohur Elita Rudi po pret fëmijën e parë me reperin Asdren GJikolli, shpërthyen edhe lajmet se ata do të martohen dhe tashmë çdo gjë është zyrtare.
Moderatorja nga Kosova, është përfolur se është në pritje të fëmijës së parë me reperin Gjiko, me të cilin bashkëjeton prej kohësh, por lajmin askush nga të dy nuk e ka konfirmuar.
Imazhi i fundit që është bërë publik është ftesa, e cila konfirmon tashmë ceremoninë që do të mbahet të premten e ardhshme, më 21 shtator. Fotoja e siguruar nga Prive duket të jetë pjesë e familjes së reperit, Gjiko. Me një dizajn të veçantë me stil mbretëror, ftesa konfirmon vendin ku do të organizohet ceremonia, por gjithashtu edhe datën.
