Andi Shehi dhe Melisa Lleshi i kanë dhënë fund lidhjes së tyre e tashmë duket se vendimi është përfundimtar. Andi ka treguar se lidhja mes tyre u bë toksike dhe se ziheshin shumë, kështu që vendosën t’i jepnin fund marrëdhënies.
Së fundmi ish-konkurrenti ka realizuar një bisedë virtuale me ndjekësit ku është pyetur nëse ka diçka që ai do të dëshironte ta kthente pas. Sipas tij çdo gjë ndodh për një arsye dhe kur mendon se ke humbur diçka në fakt ke fituar, duke iu referuar kështu dhe lidhjes së tij me Melisën.
“Mendoj se çdo gjë ndodh për një arsye dhe sado të duam të kthejmë kohën mbrapa, ndonjëherë është më mirë sepse dhe kur mendon që ke humbur diçka ke fituar dhe merr mësime përjetën dhe formon karakterin e fortë që të mos ketë mundësi të të bëj asgjë më keq”, u përgjigj ai.
Pas postimeve të Andit ka reaguar edhe Melisa, e cila ka publikuar tekstin e një kënge e duket qartë që i referohet një dashurie të shkuar.
“Budall mendon se kam nevojë për të. Asgjë tek ty nuk më tërheq më. Të bëj bllok, të shmang tani”, dhe vazhdon: “Por më pëlqen si dukesh kur më lutesh. Ti uron që unë të të mungoj, por ik tutje, largohu”.
