Anjeza Maja dhe Romeo Veshaj janë një ndër çiftet më simpatikë të spektaklit “Dance With Me”, por që mbrëmjen e sotme sikletin më të madh nuk e kishin gjatë performancës së tyre, por gjatë pyetjeve pikante që u drejtori Alketa. Pas performancës, moderatorja tha se për ta ka shumë kuriozitet nga fansat nëse janë çift edhe në jetë.
“Thuaj atij që ta ka bërë këtë pyetjen se ka shumë fantazi. Por që nuk është aspak e vërtetë” – tha Romeo.
“Jemi shumë të lumtur në këtë spektakël. Ajo çfarë thuhet është aq e pavërtetë saqë nuk duam as edhe t’i përgjigjemi.” – u përgjigj Anjeza.
“Unë e kam si goc halle Anjezën” – tha aktori i humorit, duke theksuar se nuk ka asgjë mes tyre.
