Pak minuta përpara se të fillojë transmetimin për herë të parë të emisionit “Ftesë për 5”, moderatorja e programit, Bieta Sulo është surprizuar nga njerëzit e saj më të dashur. Bashkëshorti Alban Dudushi dhe e motra kanë menduar t’i urojnë suksese Bietës në këtë aventurë të re, duke i dërguar një tufë shumë të bukur me lule, gjest ky që e ka prekur Bietën dhe e ka bërë të lotojë. “Isha bërë gati për të filluar, por disa u kujdesën që të më hapin punë me grimin”, shkruan ajoduke etiketuar emrat e tyre dhe duke treguar kështu se nuk ka mundur dot mos të preket. Kujtojmë se kjo është një eksperiencë e re për Bietën, por me siguri me profesionalizmin dhe ëmbëlsinë që e karakterizon do t’ja dalë mbanë shumë mirë.
