Loredana Zefi dhe Mozzik janë aktualisht një prej çifteve më të përfolura të showbiz-it shqiptar. Çifti ka dhe një vajzë të quajtur Hana, e cila ka mbushur plot 3 vite në dhjetor të vitit të kaluar.
Këngëtarja duket se është e marrosur pas vogëlushes së saj dhe pothuajse çdo ditë publikon foto dhe video të vajzës së saj Hana, që mesa duket ngjajnë shumë me njëra – tjetrën. Ditën e sotme, Loredana na “qerasi” me një video në të cilën dukej Hana, e cila po shikonte një serial vizatimor.
“Çdo ditë”, shkruan këngëtarja e cila, mbase nënkupton faktin që çdo ditë Loredana dhe vajza shohin këtë serial vizatimor, që ndoshta Hana e ka shumë qejf (po ashtu edhe Lori).
Gjithashtu, Loredana e ka rritur të bijën e vetme që pas momentin që u nda nga këngëtari Mozzik. Nga postimet e muajve të fundit, u dallua qartazi që Loredana dhe Mozzik janë kthyer së bashku por që në asnjë moment ata nuk e kanë pranuar me gojën e tyre.
Çifti janë shfaqur pranë njëri – tjetrit me postimet e ndryshme nga Milano dhe Dubai, ku sigurisht nuk mungoi dhe vogëlushja tyre Hana.
Kohët e fundit Loredana ka shprehur dhe dëshirën e një bebi tjetër, por akoma nuk jemi të bindur nëse këngëtarja po na paraprin për një shtatzëni të dytë.
