Dasma e Bleros dhe Afronës po afron dhe pas mbarimit të organizimit të saj, ka ardhur koha e ndarjes së ftesave. Ceremonia do të jetë madhështore, ku përveç se do të jenë 600 të ftuar, do të performojnë dhe shumë këngëtarë nga Kosova. Ftesat e dasmës duket se ishin menduar në detaje, pasi kishin disa zbukurime me dantellë dhe sigurisht emrin e çiftit sipër. Afërdita Dreshaj ka qenë ndër të parat artiste që ka marrë ftesën e dasmës dhe ajo e ka publikuar ate në ‘Instastory’ duke falenderuar publikisht këngëtarin e tij dhe partneren. “Vëllai im po martohet. Faleminderit”, ka shkruar Afërdita, duke zbuluar kështu dhe marrëdhënien e ngushtë që ka me Bleron. Dasma do të organizohet në 21 shtator dhe me siguri çdo gjë do të jetë e menduar në detaje nga vetë Blero dhe Afrona.
