Një pjesë e mirë e Instagram-it sot, është e populluar me foto/video ushqimesh. Aty gjen gjithçka, por jo të gjitha kanë fatin të jenë aq të famshme sa ushqimet që do të gjeni në listën më poshtë.
#1. Sushi
Le të themi se sushi ka famën e Kim Kardashian-it në Instagram! Përveçse shumë popullor dhe i shijshëm, është estetik për syrin dhe goxha fotozhenik. Nuk ka asnjë shans të mos i keni bërë foto pjatës para se ta konsumonit.
Jo pa qëllim, një foto e tillë gjendet në çdo profil blogereje.
#2. Vezët Benedict
Krejt papritur, mëngjesi i shumicës në Instagram duket kështu! Tosta e famshme me vezët sipër është një prej pjatave më të famshme sot për sot në botën virtuale.
#3. Kafe/Kapucino
S’ka asnjë shans që kafja të dalë shëmtuar në foto. Ka diçka në filxhan dhe ngjyrën e saj që e bën shumë In për Instagram.
#4. Gjithë llojet e ëmbëlsirave, por vendin e parë e kanë macaroons-at!
Ndoshta janë më shumë të bukura për t’u parë sesa të shijshme, por ç’rëndësi ka?! Një foto që ka macaroon-sa merr më shumë like nga ç’prisje ti të merrte fotoja e profilit.
#5. Brioshët
Kjo foto të bën të vuash, por brioshët janë të parezistueshëm si në gojë, ashtu dhe në Instagram.
#6. Çdo pjatë që zbukurohet me mjedër/luleshtrydhe
Mjedra, luleshtrydhet, boronicat kanë fuqinë ta ndryshojnë edhe foton më të thjeshtë. Me brishtësinë e tyre, ia dolën të pushtojnë Instagram-in.
#7.Sallatat shumëngjyrëshe.
Sallata jonë e preferuar mund të jetë ajo e fshatit ose jeshilja, por në Instagram do nxjerrim këtë. Sallata duhet të ketë shumë ngjyra, quinoa dhe padyshim fara që s’i kemi konsumuar më herët.
#8.Avokado
Kjo epokë në Instagram është e avokados. Ushqimi që brenda pak kohësh zinte vend kudo. Nuk ka rëndësi ç’po ha, nëse pjata ka avocado, duket cool.
#9. Vera
Mund të sajojmë çfarëdolloj koktejli, por vera mbetet mbretëresha e Instagram-it!
#10 Buka Baguette
Hëë, e keni parë si shpesh kohët e fundit ëë? Nuk ka rëndësi çfarë buke merr mami, në Instagram nxirret buka e famshme franceze. E gjatë, elegante dhe shumë klas!
#11. Akullore/çokollatat
Si mund të dali keq një akullore në foto? Po një çokollatë?! S’ka asnjë gjasë, kështu që e meritojnë plotësisht famën e Instagram-it.