Mirë se erdhe në jetë, Sebastian Piers Williams.
Aktorja e famshme America Ferrera, e njohur në Shqipëri si ‘E shëmtuara Beti’, ka sjellë në jetë fëmijën e saj të parë.
Ferrera dhe bashkëshorti i saj Ryan Piers Williams kanë bërë të ditur lajmin me anë të një postimi në Instagram.
Aktorja tha se ishte shumë e lumtur që u bë nënë për herë të parë dhe se foshnja ishte në gjendje të mirë shëndetësore.
“Kur 2 bëhen 3… Mirë se erdhe Sebastian Piers Williams. Mami, babai dhe foshnja janë shumë të lumtur, të shëndetshëm dhe të mbushur me dashuri,”-shkruajti 33-vjeçarja.
Ferrera njoftoi shtatzëninë e saj në dhjetor.