Nëse do na jepej ideja e udhëtimit nëpër Atlantik në një fuçi gjigante do na dukej absolutisht e pamundur.
Por për Jean-Jacques Savin, një parashutist dhe pilot 72-vjeçar që sapo përfundoi udhëtimin nga Ishujt Kanarie në një ishull në Karaibe, gjithçka është e mundur.
Ai kaloi disa muaj duke përsosur ‘anijen’ e tij për të kaluar përmes Atlantikut.
Jean-Jacques Savin u nis nga Ishujt Kanarie, jashtë brigjeve të Afrikës, më 26 dhjetor 2018 dukë udhëtuar në perëndim me fuçinë e ndërtuar vetë.
Savin kaloi katër muajt e parë të vitit 2019 në fuçinë e tij, duke udhëtuar rreth dy kilometra në orë pa motor, dhe duke u mbështetur tërësisht në rrymat dhe erërat në oqeanin.
Ai habiti vendasit kur mbërriti në ishullin e vogël holandez të Karaibe, Saint Eustatius pak pas mesnatës së javës së shkuar.
Pas mbërritjes në destinacion gjendja e tij shëndetësore ishte e mirë. 71-vjeçari udhëtoi vetëm në anijen e tij të punuar me dorë, e cila ishte rreth 10 metra e gjatë dhe 7 metra e gjerë dhe përfshinte një kuzhinë dhe shtrat të vogël dhe hapësirë për ruajtje. Ai ushqeu veten me peshqit e kapur nga oqeani.
