Dy këngëtarët e njohur, Genc Prelvukaj dhe Eni Koçi, kanë disa vite që po shijojnë lidhjen e tyre të dashurisë. Më 3 nëntor të vitit 2018, artisti i bëri një propozim shumë të veçantë partneres së tij, në Plavë.
E nga fotot e publikuara së fundmi në rrjetet sociale, vihet re se çifti i dashur për publikun i ka dhënë fund beqarisë.
Eni ka ndarë me ndjekësit disa imazhe ku shfaqet e veshur me fustanin e bardhë dhe nga ana tjetër Genci me një kostum dhëndri, teksa ndodhen në mes të një lëndine.
“Zoti dhe Zonja Prelvukaj. Të martuar që prej vitit 2019”, shkruan këngëtarja e njohur bashkëngjitur me fotot e veçanta. Me këto postime, ata treguan se kanë pak vite që janë martuar.
Dy këngëtarët kanë preferuar ta mbajnë shumë private jetën e tyre personale, teksa rrallë herë ndajnë me fansat e tyre momente të veçanta. Madje artistja është përfolur tashmë se është në pritje të fëmijës së tyre të parë por deri më tani nuk ka ende asnjë reagim nga ana e saj.
