Disa ditë më parë trashëgimtarja e “Top Medias” Sara Hoxha dhe bashkëshorti i saj Ledion Liço së bashku me djalin London u larguan nga Shqipëria për disa ditë pushimi në një vend ekzotik.
Ishte Sara ajo që publikoi disa pamje nga vendi ku po pushonte me familjen e saj duke mos zbuluar emrin. Së fundmi ‘Iconstyle.al’ ka zbuluar se çifti i njohur i showbizit janë duke pushuar në ishujt Maldive në të njëjtin resort ku Princ William dhe Kate kanë kaluar muajin e tyre të mjaltit.
Në fotot e siguruara nga vendi përrallor shihet se dyshja janë duke pushuar në një vend luksoz ku nuk mungon pamja e mrekullueshme e brigjeve të kaltra dhe rërës së bardhë. Sipas ‘Iconstyle’ në resortin superluksoz ku po qëndron Sara me Ledionin nata kushton plot 4094 dollarë.
