Të rralla janë ato nëna të famshme që sfidojnë të tjerët dhe ushqejnë me gji pa pikë problemi të voglin e tyre në publik.
E tillë është Elita Rudi, e cila së fundi ka publikuar një foto duke i dhënë gji djalit të saj Zëri. Ajo ka publikuar foton e veçantë teksa i jep gji të birit, dhe nuk ka ngurruar të thotë dy fjalë paraprakisht për ata që do ta kritikojnë.
“Nëse gjidhënia të ofendon, je i lirë të vendosësh një kuvertë në kokë. Është e drejta e fëmijës tim për t’u ushqyer!”
Moderatorja zbuloi pak kohë më parë se e ushqen ende vogëlushin me qumësht gjiri dhe kjo foto tashmë e vërtetoi. Bukuroshja shqiptare shfaqet e veshur me një kostum ngjyrë të kuqe dhe me syze dielli në një ambient që besohet të jetë një bar-kafe.
Modelja Emina Cunmulaj ushqen gjithashtu vajzën e saj të vogël me qumësht gjiri dhe nuk mungojnë fotot dhe videot në profilin e saj.
