Ferrari prezantoi koleksionin e parë të modës, duke u ofruar adhuruesve të markës dhe super-makinave një prekje “couture” brenda një game moderne veshjesh.
Koleksioni shënon një hap të madh në strategjinë Ferrarit, një nga investimet më të mëdha jashtë biznesit të makinave, për të cilin kompania dëshiron të llogarisë rreth 10% të fitimeve në 7 deri në 10 vjet.
Veshjet, e krijuara nga drejtori kreativ dhe ish-dizajneri i Armani-t, Rocco Iannone, u prezantuan në fabrikën e Ferrarit në Maranello, Itali.
“Ne duam të tërheqim të rinj dhe gra,” tha Iannone. “Synimet tona nuk janë vetëm ata që blejnë një Ferrari, por edhe ata që kanë njohuri për markën dhe për vlerat e saj.”
Iannone e përshkroi koleksionin si “fluid”, me 80% të veshjeve të dizenjuara për t’u përshtatur për burrat dhe gratë, me masa që shkojnë nga XXXS në XXXL.
“Ferrari nuk është kurrë një kompani nostalgjike, është gjithmonë e gatshme për të kapur frymën e së tashmes dhe për të parë të ardhmen,” tha ai.
Me çmimet që variojnë nga rreth 200 euro për bluzat deri në 3,000 euro për palltot e kategorisë së lartë, koleksioni ka një etiketë “luksoze”.
Koleksioni u prezantua vetëm disa ditë pasi Ferrari zgjodhi si drejtor ekzekutiv Benedetto Vigna, një fizikan me përvojë 26-vjeçare në industrinë e gjysmëpërçuesve dhe pritet ta çojë Ferrarin në epokën e makinave elektrike.
“Asgjë nuk ndryshon në strategjinë tonë, qëllimi është të arrijmë një publik më të gjerë, veçanërisht të rinjtë dhe gratë, që është thelbësore për biznesin tonë,” tha Boari.
Koleksioni Pranverë 2022
Burimet: CNN, Vogue
