Beatrix Ramosaj ka festuar ditëlindjen mbrëmë në mesnatë me miq, të afërm e familjarë.
Trix-a priti 25-vjetorin në një festë të madhe të organizuar në një club në Tiranë, dhe nga postimet që pamë në Instagram, na u duk sikur po shihnim një festë alla Kardashian.
Gjithçka rozë ishte në ditëlindjen e këngëtares, me tematikë Barbie. Vendi ku Beatrix bënte foto me mikeshat e saj na ngjau disi me atë të Kylie Jenner, kur prezantoi koleksionin e ri të kujdesit për fytyrën.
Beatrix dukej si një kukull Barbie në kuti në fotot e ditëlindjes!
Akoma më e çuditshme ishte torta e ditëlindjes. Beatrix u përlot kur u ndezën qirinjtë ndërsa ne i kishim sytë të kukullat nudo mbi tortën me çokollatë dhe pozicioni i tyre i habitshëm.Mbi të gjitha këngëtarja ishte bërë shumë seksi me një fustan tutu në ngjyrë rozë, që e tregonte si një kukull Barbie.
Një fustan të ngjashëm ia pamë Kendall Jenner pak ditë më parë në festëne amfAR në Kanë.
Nuk munguan urimet pafund për këngëtaren me rastin e 25-vjetorit!
I urojmë edhe ne Beatrix-ës të ketë shumë vite të lumtura pranë njerëzve që do!
