Ditën e djeshme, këngëtarja e njohur Rezarta Shkurta festoi 34-vjetorin e saj të lindjes.
Ndryshe nga herët e tjera, ky vit e ka gjetur Rezartën duke punuar, siç ajo vetë tregoi në një video në InstaStory
“Ditëlindja më gjeti më bukur se asnjëherë, duke punuar. Së shpejti një tjetër film me metrazh të shkurtër nga një aktor i vogël.”- shkruante Rezarta.
Në pamundësi për grumbullime për shkak të emergjencës Covid-19, Rezarta e ka marrë një dozë të lumturisë nga dashuria e urimet e shumta që ka marrë në Instagram.
Mirëpo, sigurisht që surprizën më të bukur do t’ia bënte partneri i saj, Ermali.
Ai i kishte përgatitur një mbrëmje shumë romantike partneres buzë detit, ndërsa Rezarta s’ka vonuar të na tregojë pamjet e festës private të ditëlindjes.
Me gotën e shampanjës në dorë, ajo ka filmuar lulet e trëndafilat e shtruar në tryezën ku kanë ngrënë një darkë romantike.
Shumë urime për Rezartën!
