Një studente beqare, e cila zgjodhi të mos depilonte më këmbët është bërë virale në rrjete sociale.
Ana Calatayud Perez-Manglano, 24 vjece, nga Valencia mori këtë vendim pasi përtonte dhe nuk ka lidhje me asnjë grup politik apo feminist.
Por kur publikoi videon e këmbëve të mbuluara me qime të zeza, vërshuan komente nga më të ndryshmet.
Ana deklaron se mori dhjetëra mesazhe ku i thonin, “ti nuk ke kryer marrëdhënie seksuale prej kohësh”, dhe “unë do ndahesha nga e dashura nëse do dukej kështu.”
Ndërsa Ana iu përgjigj të gjithëve duke shkruajtur: “Isha thjesht e lodhur dhe nuk doja të depilohesha. Nuk kam asnjë kompleks dhe në fakt nuk më intereson cfarë thonë njerëzit. Nuk kam turp që kam këmbë me qime, femrat janë me qime. Ne zgjedhim të depilohemi ose jo.
Unë jam e lodhur nga fakti që duhet të depilohem pasi jam e detyruar nga shoqëria dhe nuk do e bëj derisa ta ndjej. Jam beqare tani, por nuk kam patur asnjëherë probleme me partnerët e mi. Asnjë mashkull nuk më ka thënë të depilohem se dukem e pistë apo e shpifur.”
Videoja e Anës ka marrë 9 mijë shpërndarje ku pjesa më e madhe e komenteve janë negative.
