Në teatrin “Dolby” të Los Angelos është organizuar të dielën mbrëma, edicioni i 94 i ndarjes së Çmimeve Oscar. Përveç çmimeve që morën, yjet botërore morën edhe gjithë vëmendjen me veshjen.
Edhe siç ndodh në çdo event të rëndësishëm, paraqitja e jashtme komentohet shumë. Madje janë komentuar edhe yjet që kanë preferuar të vishen me krijimet e dizenjuesve shqiptarë.
Stilisti i njohur Kosovar, Valdrin Sahiti ishte pjesë e mbrëmjes me krijimet e tij, duke veshur dy yje pjesëmarrëse: Anastasia Karanikolaou dhe Tiffany Haddish.
Tiffany kishte zgjedhur nga Saiti një fustan në ngjyrë të zezë me krah të fryrë që i tregonin në mënyrë perfekte format trupore.
Ndërsa Karanikolaou kishte zgjedhur një fustan të shkurtër rozë i cili ishte mjaft transparent.
Modelja Jordyn Woods mori vëmendje të plotë gjatë mbrëmjes e veshur me dy fustane të zgjedhur nga Fjolla Nila. Jordyn kishte zgjedhur një fustan në ngjyrë gri plot me gurë shkëlqyes si dhe një të çarë në mes që i trgonte këmbët.
