Kiara Tito është një prej moderatoreve të reja më simpatike të ekranit shqiptar. Ajo është shumë e diskutuar në media dhe sidomos në mediat rozë. Kiara ka qenë e ftuara e radhës në emisionin “Talk Talk”, të Revistës Class. E cilësuar si Belen Rodriguez shqiptare, ajo ka treguar se ndihet shumë mirë kur e krahasojnë me Belen, pasi i pëlqen dhe e ndjek shumë.
Me sa zbuluam, Kiara ka një lidhje të ngushtë me familjen, sidomos me të atin, i cili i është gjendur gjithmonë pranë, por edhe me të vëllain. Ajo ka treguar se personi për të cilin do të jepte edhe jetën është vëllai i saj i vogël.
Për sa i përket jetës private, është përfolur shumë për një lidhje mes saj dhe këngëtarit Burtint Imeri, por sot, Kiara na sqaroi një herë e mirë. Kur është pyetur nëse preferon pushimet me familjen, me shoqërinë apo me partnerin, ajo është përgjigjur: “Me shoqërinë më pëlqen më shumë, partner nuk kam, me familjen preferoj që të pushoj gjatë dimrit.”