Këngëtarja e dashur për publikun, Fifi, ka bërë së fundmi një bashkëbisedim me ndjekësit e saj në “Instagram”. Ajo ka vendosur që t’u kthejë përgjigje pyetjeve të shumta të tyre, për t’u hequr atyre kuriozitetin.
E sigurisht që nuk kanë munguar pyetjet në lidhje me eksperiencën e saj brenda shtëpisë së “Big Brother VIP”. Dikush e ka pyetur se po të rikthehej, a do të kishte bërë diçka ndryshe?
Fifi nuk ka hezituar të përgjigjet, teksa nuk e ka kursyer as një thumb për disa banorë. Këngëtarja e njohur është shprehur se nuk do t’ju kushtonte rëndësi, por pa përmendur emra.
“Mbase nuk do t’ju kisha dhënë vëmendje disave dhe do të merresha me veten më shumë…por edhe nëse përgatitesh në çdo aspekt, si emocionalisht si strategjikisht me tipin që kam unë besoj se prapë njësoj do të kisha bërë çdo gjë! Pastaj mos të harrojmë, kujdes please me helmin që lëshoni mbi njerëzit. Nuk është normale të shpërndajmë kaq shumë negativitet..dhe unë që jam jashtë dhe e përfshirë akoma në lojë ndihem shumë keq kur lexoj disa nga komentet tuaja për çdo njeri te ajo shtëpi”, ka shkruar Fifi.
