Të dyja janë ndër këngëtaret më të pëlqyera të estradës, shkruan GazetaBlic.
Flasim për Nora Istrefin dhe Tuna Sejdin të cilat kanë më shumë se një dekadë që janë pjesë e skenës muzikore shqiptare.
Nora Istrefi ka vite që është e martuar me Robert Berishën, ku kanë dhe një vajzë me emrin Renee. Familjes Berisha ka afro dy vite që i është bashkuar dhe Tuna e cila është në lidhje me vëllain e Robertit, Patrisin. Në muajin maj të vitit të kaluar çifti u bënë prindër për herë të parë, ku Tuna solli në jetë djalin të cilin e pagëzuan me emrin Tian.
Por, si është raporti mes dy kunatave?!
Në një kërkim të bërë në llogaritë e dy këngëtareve, shohim se të dyja nuk ndjekin njëra-tjetrën në Instagram. Madje Tuna, nuk ndjek as kunatin e saj, Robertin, duke treguar kështu shumë për raportin që kanë mes vete, e që duket të mos jetë dhe aq i mirë.